Eng Tai panggil Abang sudara
Jangan amek brati susa
Bolay kawin dengan adek gua
Kita ber-kasay s?lama lama 

Mak gua branak kan gua ber-kambar
Dua dua s?rupa macham gambar
Kalu di ukor kan tidak ber-tukar
Mau di jodoh kan ber-sama bantal 

Lama suda gua mau kata
Takot kan Ankoh nanti amek marah
Kalu Ankoh brati suka
Pulang rumah gua bolay bechara 

Sudara gua chantek ter-bilang
Chantek s?perti dewa mayang
Kalu tengok dia punya lenggang
Tuntu jiwa Ankoh bilang melayang 

Sama Ankoh tidak gua bohong
Bukan gua chakap sombong
Kalu kana dia ber-golek ponggong
Tuntu Ankoh jatoh berongkong 

Gua bukan chakap ber-main
Ankoh toksa lah charek lain
Sudara gua Ankoh kawin
Gua pun bolay sama ber-sain 

Sam Pek dengar banyak suka
Di panggil Eng Tai oleh sudara
S?perti ada adek punya rupa
Mati pun gua mau sama ber-dua 

Gua tidak mau lain Istri
Adek pun jangan mongkir janji
Biar lah mati sama mati
Hati tidak bruba lagi 

Kita ber-chakap sama ber-dua
Depan Tuan Allah kita ber-sumpa
Adek jangan bikin lupa
Hati gua pun tidak bruba 

Eng Tai bukan kapalang suka
Dengar kan Sam Pek punya ber-kata
Ber-sumpa lah dia orang dua dua
Dunia Akeirat tidak bruba 

Satu hari Sin Senh mau sembayang
Smua orang Sin Senh bilang
Lu orang smua bolay pulang
Besok pagi siang siang datang