Kata wang gua ada bribu ribu
Inchek pak-numpang suda tipu
Gua tinggal kan anak chuchu
Kasi Chek pak-numpang buat suru 

Brapa banyak gua punya wang
Tarok di Bank Puloh Pinang
Suda kasi kwasa nya Chek pak-numpang
Sampay s?karang blom ter-bilang 

Habis chilaka gua punya bini
Suda ikot Kling lobi
Dapat ber-jumpa s?malam pagi
Satu pun tidak kasi peduli 

Kasi nya wang ber-laksa laksa
Bli kan intan mas merah
Suru tunggu di rumah tangga
Klang lobi dia piara 

Ada pulak satu budak
Chantek s?perti anak denak
Suda pergi ka Pontianak
Dengar di sana panchari-an tidak 

Bapak sahya orang kaya
Tinggal kan gua menjadi sampa
Inchek Tuan Tuan kasianlah sahya
Kasi lah duit buat blanja 

Kemdian dia masok ka Singapura
Buat diri nya macham tak samporna
Pergi rumah orang mintak s?deka
Habis s?paytak s?paytak dia choba 

Habis dia pergi di Kampong Glam
Budak ikot lima anam
Sama batu dia orang rejam
Di panggil mabok China Hyelam 

Dia pergi di Kampong Kapor
Budak Malayu nanti ber-kompol
Dia orang hantam dengan lumpor
S?luar baju smua kotor 

Dia pergi di Kampong Bali
Anak Supye sengay kan gigi
Kata nya Itam punya laki
Suda mabok mau lah mati 

Dia pergi di Kampong Malaka
Orang panggil mabok gila
Nang ada rejam sama kacha
Ada hantam sama mangkok pecha