Ada satu Sin Senh Ban San
Banyak masohor dalam pekan
Obat dia kalu di makan
Tuntu dapat anak jantan 

Budak budak tak mau chekek
Atau dapat sakit Kam-chek
Sin Senh Ban San dia orang chari
Mintak obat suru pegang Mek 

Sin Senh itu nama ter-bilang
Obat kan budak banyak senang
Ulor kan tangan Sin Senh pegang
Brapa besar sakit pun hilang 

Dia bangun pagi pukol lapan
Mesti nanti habis makan
Orang tunggu di bangku papan
Nanti kan dia pukol s?milan 

Dia kluar dudok satu tempat
Siapa sakit datang ber-dakat
Habis satu satu kasi obat
Blakang dia masok makan madat 

Dia isap sampay tenga hari
Madat habis ber-kati kati
Datang Sin Khek nya nama Haji
Bilang Towkay panggil pergi 

Kreta menanti di pintu kaday
Sin Senh Ban San dia orang panggil
Kopia songkok baju putay
Dudok kreta menchari Towkay 

Dia kluar hari hari
Tiap tiap rumah dia pergi
Orang chari tak brenti ranti
Untong wang pun ber-peti peti 

Dia orang chari tukang obat
Makan kasi jalan urat
Isap s?dikit punya madat
Bolay kluar anak di pantat 

Habis makan pergi tidor
Dalam s?limot dia ber-guroh
Angkat pantat tinday tubor
Pacha kan paik kasi bochor 

Lama lama prot besar
Bunchit tak tau apa pasal
Nanti prot mendatang pulal
Baru lah tau anak mau kluar