Sam Pek triak Eng Tai adek gua
Kita suda mengaku sudara
Kemdian hari suda tua
Abu kita siapa piara 

Eng Tai panggil Sam Pek Hia
Gua bolay bikin anak
Ngintel nya tepong goreng kan minyak
Makan kanyang sampay senak 

Dua dua anak d?laki
Dia Kiat-pye ber-sumpa mati
S?lama lama tak mau ber-bini
Mana bolay branak lagi 

Habis makan pergi tidor
Dalam s?limot kita ber-guroh
Kalu tempu laotan tohor
Api trang jangan di sulor 

Eng Tai kata Ankoh tak per-chaya
Nanti adek bukak chrita
Chrita orang dulu kala
Dia Kiat-pye sama ber-dua 

Suda sampay s?pulo bulan
Adek pergi di dalam jamban
Napas gua tutop prot gua tekan
Kluar kan dua anak jantan 

Sam Pek ter-tawa sampay ter-selak
Sama Eng Tai Sam Pek tolak
Taik kras adek bayrak
Sama gua pun adek mau tembak 

Adek kalu bolay branak
Gua sama bolay jugak
Toksa kawin orang ka-banyak
Makan tepong pergi bayrak 

Gua bukan orang hutan
Sama gua adek tipu kan
Habis busok taik di jamban
Barang najis adek tutor kan 

Kita ber-sobat bukan chuma
Mintak bolay s?lama lama
Chari bini apa guna
Handak mati ber-sama sama 

Kita s?perti laki bini
Dalam dunia paya di chari
Kalu mati sama mati
Apa guna ber-bini lagi