Ada satu pulak Ansoh sapupu
Koh Neo pergi suda lah tentu
Mak dan Bapak trima aku
Jangan Koh Neo brati pilu 

Ansoh nya tengok jadi besar ter-tawa
Koh Neo nanti jadi satu kachiwa
Nyonya Nyonya kalu ber-champor baba
Tentu lah dapat anak senang piara 

Eng Tai jawap sampay ber-kata
Ansoh chakap s?perti orang gila
Diri Eng Tai banyak bolay per-chaya
Tak bolay jadi satu apa apa binasa 

Kapada Tuan Alatala Eng Tai bersumpa
Di tanam kan sutra di dalam tana
Kalu Eng Tai buat diri yang chilaka
Korek tana anchor koyak sutra 

Kapada Thinh Kong Choe Eng Tai bersumpa
Mintak lah s?lamat gua punya jiwa
Kalu Eng Tai membuat diri chilaka
Bumi tak pijak Akeirat tak trima 

Habis sumpa Eng Tai ber-jalan
Payong di amek tangan kanan
Bungkusan di tarok s?bla depan
Jalan s?bagi kamantain prompuan 

Pikiran hati mau ber-jalan chapat
Minkin jalan minkin penat
Rasa rasa diri terlampon brat
Brenti kaki di sempang ampat 

Ada satu pokok menkudu
Atas tana nya s?kaping batu
Chantek lah putay bagi di sapu
Itu lah tempat Eng Tai ber-tunggu 

Rasa nya diri terlampon letay
Sampay dudok sampay ter-pikir
Bila kan hari bolay ku sampay
Sandar kan badan lalu melalay 

Hye Yoh Hye anak ku Eng Tai Nyonya
Baik baik s?lamat pergi blajar
Badan sendiri mau lah jaga
Jangan jadi dapat satu kachiwa