Ankoh jangan ingat lain
Adek sahya Ankoh kawin
Kasi Ankoh buat (bini) kamatain
Sahya pun tumpang ber-sain 

S?pata Pek Eng Tai punya chrita
Sampay sini tamat suda
Kalu siapa yang pem-bacha
Baru lah puas hati nya 

Sam Pek Eng Tai punya chrita
Sampay sini tamat suda
Kalu siapa yang pem-bacha
Baru lah puas hati nya 

Dempang dempong bunyi berbana
Bunyi Gong di kaday kain
Sahya tidak ka-mana mana
Jangan Tuan brati lain 

Betutu ikan betata
Ikan sepat di sawa padi
Tuntu tuntu Tuan ber-kata
Bolay sedap di dalam hati 

Kain batek dua s?rupa
Pakay mari s?bla kiri
Suda suka kita ber-dua
Orang lain jangan peduli 

Bua bidara di dalam dulang
Habis s?bla di makan nyamok
Anak dara zaman s?karang
Blom kreja suda mengamok 

Lemoh manis ber-pangsa pangsa
Masak s?bijik kulit nya merah
Jangan Tuan pilay bangsa
Smua sama dara nya merah 

Orang ber-kota di utan Mandong
Batang padi ter-gaga jugak
Sunggu jaoh mata ter-lindong
Dalam hati tringat jugak 

Pergi pasar menjual bli
Orang China menimbang madat
Budi basah tidak jual membli
Idop dunia mau bradat