Title
Ko Jolobak ko Jolobu,
Tuai padi tigo tangkai,
Kalau kono komat Jolobu,
Tak mati badan menghasai,
Gurindam dulu-dulu jangan ponah dipotikai,
Tak tahu tanyo dulu jangan goma memandai-mandai,
Tuai padi tigo tangkai,
Kalau kono komat Jolobu,
Tak mati badan menghasai,
Gurindam dulu-dulu jangan ponah dipotikai,
Tak tahu tanyo dulu jangan goma memandai-mandai,
Coghito eh bermulo, mulut ughang kampong,
Kisah ramai gadis cantik kek Jolobu berkampung,
Ughang luar datang nak cari'an joki,
Lain pulak jadi eh terpikek nak buek bini,
Tapi silap, kono komat sampai tinggalkan keluargo,
Kopit bawah kotiak bini tanggungjawab lupo,
Omak ayah rindu tapi dio buek bodoh,
Dah takdo nak monyosai monangih dopan kubur,
Kisah ramai gadis cantik kek Jolobu berkampung,
Ughang luar datang nak cari'an joki,
Lain pulak jadi eh terpikek nak buek bini,
Tapi silap, kono komat sampai tinggalkan keluargo,
Kopit bawah kotiak bini tanggungjawab lupo,
Omak ayah rindu tapi dio buek bodoh,
Dah takdo nak monyosai monangih dopan kubur,
Ko Jolobak ko Jolbu,
Tuai padi tigo tangkai,
Kalau kono komat jolobu,
Tak mati badan menghasai,
Gurindam dulu dulu jangan ponah dipotikai,
Tak tahu tanyo dulu jangan goma memandai mandai,
Tuai padi tigo tangkai,
Kalau kono komat jolobu,
Tak mati badan menghasai,
Gurindam dulu dulu jangan ponah dipotikai,
Tak tahu tanyo dulu jangan goma memandai mandai,
Ughang luar salah tafsir koba gadih kito bahayo,
Lopeh coghai semuo ghoto jadi milik dio,
Jangan salah anggap, napo lobihkan pompuan,
Sobab laki boleh hidup kalau campak dalam hutan,
Zaman dah boghubah, adat di tolan zaman,
Dah takdo mewaghisi coghito bertauladan,
Apotah laie, mengaku ughang nogori,
Bilo tanyo suku mano nak jawab pun tak ghoti,
Lopeh coghai semuo ghoto jadi milik dio,
Jangan salah anggap, napo lobihkan pompuan,
Sobab laki boleh hidup kalau campak dalam hutan,
Zaman dah boghubah, adat di tolan zaman,
Dah takdo mewaghisi coghito bertauladan,
Apotah laie, mengaku ughang nogori,
Bilo tanyo suku mano nak jawab pun tak ghoti,
Poie tanyo omak, poie tanyo uwan,
Kok takdo kosompatan buleh tanyo kawan kawan,
Aktiviti bergurindam tolah lonyap dilupokan,
"sebagai suatu warisan"
Kok takdo kosompatan buleh tanyo kawan kawan,
Aktiviti bergurindam tolah lonyap dilupokan,
"sebagai suatu warisan"
Wak wak makan padi si lomang dalam buluh,
Kok dah dapek yg dicari jangan terlansung semayang subuh,
Ayam berkokok umah ponghulu itu tando haghi nak siang,
Kok dah dapek oghang Jolobu tak sabar nunggu malam ko siang,
Kok dah dapek yg dicari jangan terlansung semayang subuh,
Ayam berkokok umah ponghulu itu tando haghi nak siang,
Kok dah dapek oghang Jolobu tak sabar nunggu malam ko siang,
Subject
Gadis Jolobu
Creator
Mohd Rosli bin Saludin & Siti Hajar binti Raihan
Source
Mohd Rosli bin Saludin
Date
2018
Identifier
52229
Publisher
Telapak Adat Dan Budi Negeri Sembilan