(Sipangka)Takilek kappa nan gadangKappa nan datang dari BanjaTantang muaro hilia mudiakKa tapi handak mandakokSarek muatan urang banyakNakodoh tagak di galadakBalabuah kappa sakutikoSampai di hari nan kapatangAlah baturuik dek sipangkaMambawok pinang nan sacabiakMambawok pinang nan sagatokKa hadapan niniak dangan mamakSarato mandeh dangan bapakHandak mahadiri karajo nagkoLah tumbuah karambia tinggiTumbuah karambia nan sabatangPucuak dikanduang awan megoDisakah anak bidodariLalu dibawok tabang tinggiBaa toh nyo lai tu kiniKok nan di hilia alek lah datang Kok nan di mudiak alek lah tiboSipangka bagadang hatiMananti alek mahadiri Babunyi tabuah ampek-ampekTabuah larangan dang namonyoManyahuik tabuah nan banyakBatingkah batikai-tikaiTakajuik buruang di rimboKok suduik banamo ampekKok ririk baitu puloKadudukan niniak dangan mamakAlim ulama cadiak pandaiSarato alek ka samonyoKayu gadang banyak babuahNan tumbuah di tangah kotoManjulang ka langik tinggiDaun nan tuo jatuah baserakNan mudo tingga di tampuaknyoKini juaro nak ka tangahManampuah ririk jo karajoKok ado taadok tabalakangiRilah jo maaf hambo pintakAdat baitu dahulunyo

Title

(Sipangka)

Takilek kappa nan gadang
Kappa nan datang dari Banja

Tantang muaro hilia mudiak
Ka tapi handak mandakok
Sarek muatan urang banyak
Nakodoh tagak di galadak

Balabuah kappa sakutiko
Sampai di hari nan kapatang
Alah baturuik dek sipangka
Mambawok pinang nan sacabiak

Mambawok pinang nan sagatok
Ka hadapan niniak dangan mamak
Sarato mandeh dangan bapak
Handak mahadiri karajo nagko


Lah tumbuah karambia tinggi
Tumbuah karambia nan sabatang
Pucuak dikanduang awan mego

Disakah anak bidodari
Lalu dibawok tabang tinggi
Baa toh nyo lai tu kini
Kok nan di hilia alek lah datang

Kok nan di mudiak alek lah tibo
Sipangka bagadang hati
Mananti alek mahadiri


Babunyi tabuah ampek-ampek
Tabuah larangan dang namonyo
Manyahuik tabuah nan banyak
Batingkah batikai-tikai

Takajuik buruang di rimbo
Kok suduik banamo ampek
Kok ririk baitu pulo
Kadudukan niniak dangan mamak

Alim ulama cadiak pandai
Sarato alek ka samonyo

Kayu gadang banyak babuah

Nan tumbuah di tangah koto
Manjulang ka langik tinggi
Daun nan tuo jatuah baserak
Nan mudo tingga di tampuaknyo

Kini juaro nak ka tangah
Manampuah ririk jo karajo
Kok ado taadok tabalakangi
Rilah jo maaf hambo pintak

Adat baitu dahulunyo

Subject

Pantun Minangkabau; Juaro Alek Nak Ka Tangah

Description

Juaro Alek Nak Ka Tangah; Pantun Minangkabau
Indonesia

Creator

N.M. Rangkoto

Source

Pantun Adat Minangkabau. Departemen Pendidikan dan Kebudayaan. Jakarta: Proyek Penerbitan Buku Sastra Indonesia dan Daerah

Date

1982

Identifier

49708