Ampek simpang Kampuang Kalawi
Jambatan panjang ka Lumbuak
Kok ka ateh ka Kampuang Lalang
Bakelok jalan ka Anduriang

Kok luruih masuak pi ka Alai
Dari Alai taruih ka Gunuang
Ka Lapai jalan Ulak Karang
Mandasia-dasia buni ombak

Mamukek anak rang di Puruih
Kanailah lauak si balanak
Campua jo lauak pandan-pandan
Kalau balek nasib kini

Ati mamang papaham tatumbuak
Manangih mandek nak samo sorang
Senteang sia ka mambilai
Babuang caliak ka ndeh kanduang

Kain salai kariang dipinggang
Nyato baniniak mamak indak
Gurun tandeh taruko anguih
Luluak caia pambatang lunak

Sawang tak ado pagantuangan

• ← Previous Item
• Next Item →